وہ غزل نہیں مری آہ تھی
Poet: Amer Roohani By: Amer Roohani, Islamabadدلِ بادشاہ کی خیر ہو
ترے خیر خواہ کی خیر ہو
وہ غزل نہیں مری آہ تھی
تری واہ واہ کی خیر ہو
یہی خاکسار کی ہے دعا
ترے عز و جاہ کی خیر ہو
مرا جرم ہے مرا عشق گر
مرے اس گناہ کی خیر ہو
نئے درد سے ہوا آشنا
غمِ رسم و راہ کی خیر ہو
یہی اشک ہیں مرے ترجماں
تری قاہ قاہ کی خیر ہو
دمِ ہجر کے مرے ہمنوا
سبھی مہر و ماہ کی خیر ہو
دلِ نارسا کی ہے آرزو
مرے کج کلاہ کی خیر ہو
Rate it: 
Views: 593
17 Sep, 2021
More Sad Poetry
