ٹالی، کیکر تے پیپل جئی چھاں

ٹالی، کیکر تے پیپل جئی چھاں
یورپ امریکہ کیتے وی ناں
مینوں یاد آوندی اے ماں
اپنے رکھاں دی ٹھنڈی چھاں
دھیاں نوں پہلے ٹور دے سن
ہر دیس ماں پیو
اج پترا نوں دیس نکالا
کر دیندے نے ماں پیو
ہلے وی ویلہ اے، مینوں واپس بلا لے نی میری مائیں
ہلے میرے وچوں اپنی مٹی دی خو شبواندی اے مائیں
اینج لگدا اے جیویں
میری دھرتی مینوں بلاں دی اے مائیں
ایتھے وی سب کجھ اُگدا اے
پر میری مٹی جئی خوشبو نئی ایتھے مائیں
نہ آم اوہو جئے نے ایتھے
نہ دوانے (تربوز) اپنے دیس ورگے نے ایتھے
نہ چاندنی راتاں
نہ دیس ورگی آں برساتاں نے ایتھے
نہ کوئی اپنا اے ایتھے
بس سارے پرائے نے ایتھے نی مائیں
کیوں چند پیسیاں واسطے مینوں
کر دیتا سب کولوں دور نی مائیں
ہلے وی ویلا اے مینوں واپس بلا لے نی مائیں
لگ گیا دل جدوں ایتھے میرا
فیر تیرے بلان تے وی اُتھے نئیں اواں گا مائیں
فیر تے میرے بچے وی ترسن گے
ایس مٹی دی خوشبو نوں مائیں
دل کردا اے تینوں وی ایتھے بلاواں
فیر تینوں پتہ چلے گا کہ پردیس کی ہوندا اے مائیں
توں تے اپنیاں دے وچ رہندی اے مائیں