پریشان رات ساری ہے ستارو تم تو سو جاؤ
Poet: Qateel Shafai By: Shazia Hafeez, Attockپریشان رات ساری ہے ستارو تم تو سو جاؤ
سکوت مرگ طاری ہے ستارو تم تو سو جاؤ
ہنسو اور ہنستے ہنستے ڈوبتے جاؤ خیالوں میں
ہمیں یہ رات بھاری ہے ستارو تم تو سو جاؤ
تمہیں کیا آج بھی کوئی اگر اگر ملنے نہیں آیا
یہ بازی ہم نے ہاری ہے ستارو تم تو سو جاؤ
کہے جاتے ہو رو رو کے ہمارا حال دنیا سے
یہ کیسی راز داری ہے ستارو تم تو سو جاؤ
ہمیں تو آج شب پو پھٹے تک جاگنا ہے
یہی قسمت ہماری ہے ستارو تم تو سو جاؤ
ہمیں بھی نیند آجائے گی ہم بھی سو ہی جائیں گے
ابھی کچھ بے قراری ہے ستارو تم تو سو جاؤ
Rate it: 
Views: 1309
02 Sep, 2009
More Sad Poetry
