کاش سانو وی کدھے ملے زندگی

کاش سانو وی کدھے ملے زندگی
کول ساڈے وی آوے کدھے زندگی

اونے ہاسے وی ادے مقدر بنن
جنے صدمے وچاری سہے زندگی

نال جد تک رہے جین دی آس سی
یار وچھڑے تے سنگ لے گے زندگی

میرے در تیک آوے نہ بے شک کدی
اودے وہیرے ہمشہ روے زندگی

موت آوے تے ٹلدی کسے طور نہیں
بھاوین منتاں ہزراراں کرے زندگی

اک نہ اک دن ملاقات ہوجائے گی
دورساھتوں بری اے اجے زندگی

روز اُگدا اے سورج نویں آس دا
روز ونڈدی اے وکھرے مزے زندگی

ترے لکھاں چ ہر اک مسرت روے
ساڈی بے شک بنے نہ بنے زندگی

توں اے شفاقت سدا مسکراندارہویں
گیت خوشیاں دے گاندی روہے زندگی