کجھ تاں
Poet: صوفی شاعر حضرت غلام حضور شاہ By: maqsood hasni, kasurسن چوہتر چھے جنوری اج اتوار منائیے
دل کر دا شعر بنا کے عید دا گوشت کھائیے
سکی ڈالی پہل نہ لگن لکھ چارہ جے لائییے
ڈگے پہل نہ بوٹے لگن لکھ عقلاں پیے دوزائیے
سکے بوٹے ہرے نئیں ہوندے لکھ جے پانی پائیے
مکی عمر نہ دارو لگن لکھ دوائیاں پیئے کھائیے
موئے نہ کدی زندہ ہوون بھاویں دلیوں حکیم بلائیے
کوہڑے اندر صاف نئیں ہوندے بھاویں روز مکے ٹر جائیے
کالے کدی نئیں گورے ہوندے بھاویں دن سارا پیے نہائیے
دشمن تے اعتبار نہ کرئیے کدی وساہ نہ اس دا کھائیے
دشمن کدی نئیں سجن بن دا لکھ پیار محبتاں پیئے کمائیے
جان دیئیے فر سجناں پچھے پوری پیار پریت نبھائے
سیوا جے کریئے ماں پیو دی رب فضلوں دونا ای پھل پائیے
عمل کریں جے بندیا چنگے دوجہانیں سوہنا رتبہ پائیے
مندے کم نہ کریں بندیا ایتھوں اوتھوں دیاں سزاواں توں بچ جائیے
غلام حضور غریب فقیر نمانے دیاں گلاں اتے کجھ تاں عمل کمائیے
