کربِ ذات کا گرہن

‎وجودِ بے ثبات میں تغیرِ حیات میں
‎میری منتشر کائنات میں
‎از کراں تا کراں
‎زخمِ جگر کے مہکتے گلاب
‎چشمِ تر کے بے انت چناب
‎چند تشنہ کام شکستہ خواب
‎خوش گمانیوں کے لا حاصل سراب
‎صلہ میری بے لوث چاہتوں کا
‎ثمرہ میرے دامن میں
‎صدیوں کی ریاضتوں کا
‎خلش نا یافت قربتوں کی
‎مجھ نیم جاں پہ اِک بارِ گراں ہے
‎ میرا رخشِ تصور تھک چکا ہے
‎ مسافتوں کے غبار میں
‎ہجرتوں کے فشار میں
‎میری پرواز دم توڑ جاتی ہے
‎میرے تخیلات کی تابانیوں پہ
‎سایہ ہے نا رسائیوں کی تاریک زمینوں کا
‎میرا دل کربِ ذات کے گرہن میں ہے
‎نہ مرتا ہے نہ جیتا ہے
‎عالمِ سکرات میں ہے