کم ترے ضبط کی قیمت نہیں کرنے والے
Poet: Shabbir Nazish By: Shabbir Nazish, Karachiکم ترے ضبط کی قیمت نہیں کرنے والے
ہم تری آنکھ سے ہجرت نہیں کرنے والے
اپنے نزدیک محبت ہے عبادت کی طرح
ہم عبادت کی تجارت نہیں کرنے والے
یہ الگ بات کہ اظہار نہیں کر سکتے
یہ نہ سمجھو کہ محبت نہیں کرنے والے
کاٹ کر پھینک دے سر ، چاہے سجا نیزے پر
ہم ترے ہاتھ پہ بیعت نہیں کرنے والے
حاکمِ وقت ذرا اپنے گریبان میں جھانک
لوگ بے وجہ بغاوت نہیں کرنے والے
Rate it: 
Views: 809
08 Oct, 2011
More Sad Poetry
