کہا اُس نے اور کہا میں نے

کہا اُس نے بھروسہ دل پہ اتنا نہیں کرتے
کہا میں نے محبت میں کبھی سوچا نہیں کرتے

کہا اُس نے بہت خوش رنگ دنیا کے نظارے ہیں
کہا میں نے جب تم ہو تو ہم کچھ دیکھا نہیں کرتے

کہا اُس نے میں تم سے دور ہوں لیکن تمھاری ہوں
کہا میں نے کہ سپنے دل کو بہلایا نہیں کرتے

کہا اُس نے تمھاری چاہت تمھیں رسوائیاں دیگی
کہا میں نے شہرت سے گھبرایا نہیں کرتے

کہا اُس نے سمجھ جاوُ سمجھ جاوُ اے میرے صنم
کہا میں نے کہ دیوانے دل کو سمجھایا نہیں کرتے