گزر ہی جائے گا

وہ بھی ایک وقت تھا
جو گزر گیا
یہ بھی ایک وقت ہے
یہ بھی گزر ہی جائے گا
سابقہ اور موجودہ سے
آگے بھی ایک وقت آئے گا
وہ بھی گزر ہی جائے گا
کہ وقت کا تو کام ہی گزر جانا ہے
آئے گا اور آ کر گزر ہی جائے گا
پر خیال رہے گزرتے وقت کا
کوئی لمحہ نہ پرملال رہے
کیسا بھی وقت ہو ایسا گزارنا
کہ وقت گزر جانے کے بعد
افسوس پچھتاوا یا ندامت نہ ہو
بلکہ اطمینان خوشی اور سکون ہو
کہ وقت گزر جاتا ہے
کیفیت گزر جاتی ہے
بس احساس رہ جاتا ہے
اور وقت تو
گزر ہی جاتا ہے