ہمارا دل دکھانے کی پڑی ہے

ہمارا دل دکھانے کی پڑی ہے
اسے پردیس جانے کی پڑی ہے

کسی کی آنکھ سے بہتے ہیں آنسو
کسی کو مسکرانے کی پڑی ہے

ہماری جیب میں پیسے نہیں ہیں
تمہیں شاپنگ پہ جانے کی پڑی ہے

کوئی دل کو لگا کے رورہا ہے
کسی کو دل لگانے کی پڑی ہے

کوئی زخمی پڑا ہے روڈ پہ اور
تمہیں مووی بنانے کی پڑی ہے

لیا ہے لون مجبوری کے باعث
تمہیں بیلنس اڑانے کی پڑی ہے

وہ خوش ہے آج اس کی رخصتی ہے
ہمیں آنسو بہانے کی پڑی ہے

کسی کا دل لہو روتا ہے غضنی
کسی کو ناچ گانے کی پڑی ہے