پاکستان اسٹاک مارکیٹ میں مثبت رجحان

پاکستان اسٹاک مارکیٹ میں کاروباری ہفتےکےدوسرے روزکا آغاز بھی مثبت زون میں ہوا ہے۔

تفصیلات کے مطابق منگل کے روزاسٹاک مارکیٹ میں کاروبار کا آغاز 40 ہزار 124 پر ہوا اور ابتدائی ایک گھنٹے کے دوران 100 انڈیکس میں 274 پوائنٹس کا اضافہ دیکھا گیا۔

یاد رہے گزشتہ روز پاکستان اسٹاک مارکیٹ میں زبردست تیزی رہی اور مارکیٹ رواں سال کی بلند ترین سطح پر پہنچ گئی۔

کاروباری ہفتے کے پہلے روز پیر کو اسٹاک مارکیٹ کا آغٓاز مثبت زون میں ہوا جو کاروبار کے اختتام تک مثبت زون میں ہی ٹریڈ کرتا رہا۔ اسٹاک مارکیٹ میں مسلسل تیزی کے باعث سرمایہ داروں نے بھی انتہائی دلچسپی لی۔

کےایس ای 100 انڈیکس میں کاروبار کا آغاز 32 ہزار 287 پوائنٹس پر ہوا اورآغاز میں ہی انڈیکس 363 پوائنٹس کےاضافے کےساتھ 39 ہزار 550 پوائنٹس پر ٹریڈ کرتا نظر آیا۔کاروبار کے دوران انڈیکس مسلسل مثبت زون میں ہی ٹریڈ کرتارہا۔

کاروبار کے اختتام سے قبل انڈیکس 851 پوائنٹس کی بلند ترین اضافے کے ساتھ 40 ہزار 139 پوائنٹس پر پہنچ گیا تھا تاہم اسٹاک مارکیٹ میں کاروبار کا اختتام 836 پوائنٹس اضافے کے ساتھ 40 ہزار 124 پوائنٹس پر ہوا۔

کے ایس ای 100 انڈیکس میں کاروبار کے دوران 36 کروڑ، 16 لاکھ، 55 ہزار 4 سو شیئرز کا لین دین ہوا جس کی مالیت پاکستانی روپوں میں 13 ارب، 75 کروڑ، 44 لاکھ، 61 ہزار 221 بنتی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.