ان ہاؤس تبدیلی یا قبل از وقت انتخابات ہی بہترین راستے ہیں، سراج الحق

مانسہرہ: امیر جماعت اسلامی پاکستان سینیٹر سراج الحق نے کہا ہے کہ موجودہ صورتحال میں ان ہاؤس تبدیلی اور یا پھر قبل ازوقت انتخابات ہی بہترین راستے ( آپشنز) ہیں۔ انہوں نے کہا کہ تبدیلی کے نام پر عوام کے ساتھ دھوکہ ہوا ہے۔ ان کا کہنا تھا کہ اب تو لانے والوں کو بھی احساس ہوگیا ہے کہ یہ حکومت ناکام ہوچکی ہے۔

ہم نیوز کے مطابق ذرائع ابلاغ سے بات چیت کرتے ہوئے سینیٹر سراج الحق نے کہا کہ اگر حکومت ڈیلیور نہیں کررہی ہے تو دونوں آپشنز ہی بہترین ہیں۔

انہوں نے کہا کہ ان ہاؤس تبدیلی یا قبل از وقت انتخابات جمہوریت کا حصہ ہیں۔ ان کا کہنا تھا کہ تبدیلی کے نام پر موجودہ حکومت عوام پر مسلط کی گئی ہے۔

سینیٹر سراج الحق نے ایک سوال کے جواب میں کہا کہ جب نواز شریف کو ایک سہولت فراہم کی گئی ہے تو آصف زرداری سمیت دیگر بیماروں کو بھی اسی سہولت سے فائدہ اٹھانے کی اجازت ہونی چاہیے۔

امیر جماعت اسلامی پاکستان نے الزام عائد کیا کہ حکومت چیف الیکشن کمشنر کے عہدے پر اپنی مرضی کا آدمی مسلط کرنا چاہتی ہے لیکن وہ نظام کے لیے بہتر ہر گز نہیں ہے۔ ان کا کہنا تھا کہ حکومت کو احتساب پسند ہے مگر اپنا نہیں۔

سینیٹر سراج الحق نے کہا کہ 22 دسمبر کو اسلام آباد میں کشمیریوں کی آزادی اور پاکستان کو بچانے کے لیے مارچ کریں گے۔ انہوں نے واضح کیا کہ ہمارا مقصد ہر گز اسلام آباد پہ چڑھائی کرنا نہیں ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.