صحافی عبدالعزیز میمن کا قتل، 72 گھنٹوں میں رپورٹ طلب

صحافی عبدالعزیز میمن کے قتل پر وزیراعظم عمران خان نے واقعے کا نوٹس لے لیا ہے۔

تفصیلات کے مطابق وزیراعظم عمران خان نے واقعہ کا نوٹس لیتے ہوئے آئی جی سندھ سے اگللے 72 گھنٹوں میں رپورٹ طلب کرلی ہے۔

اس موقع پر وزیراعظم کا کہنا تھا کہ مجرموں کو قانون کی گرفت میں لائیں گے۔

پی پی پی چیئرمین بلاول بھٹو زرداری کی جانب سے محراب پور میں صحافی عزیز میمن کے قتل کی شدید مذمت کی گئی ہے۔

لاول بھٹو کا کہنا تھا کہ عزیز میمن کے قتل میں ملوث ملزمان کو قانون کی گرفت اور منطقی انجام تک پہنچایا جائے۔

انہوں نے کہا کہ عزیز میمن کے لواحقین کے غم میں برابر کا شریک ہوں، ہر مقتول کے ورثاء کا غم میں سمجھ سکتا ہوں۔

ان کا کہنا تھا کہ میڈیا کی آزادی اور صحافیوں کے تحفظ پر پیپلز پارٹی کا ہمیشہ واضح موقف رہا ہے اور صحافیوں کی تحفظ کے معاملے پر کسی مصلحت کا شکار نہیں ہوں گے۔

یاد رہے کہ صحافی عزیز میمن کی لاش گزشتہ روز محراب پور میں نہر سے ملی تھی جبکہ ان کی گردن پر چینل کے مائیک کا تار بندھا ہوا تھا۔

اس حوالے سے پولیس کا کہنا ہے کہ کھوجی کتوں کی مدد سے شواہد ملے ہیں کہ صحافیوں کو جھاڑیوں میں یرغمال بناکر تشدد کیا گیا۔

پولیس کا کہنا ہے کہ حراست میں لیے گئے کیمرا مین اویس قریشی کے بیان میں بھی تضاد ہے جبکہ مقتول صحافی کے بھائی نے بھی قتل میں کیمرا مین کے ملوث ہونے کا شبہ ظاہر کردیا۔

علاوہ ازیں پولیس کا کہنا تھا کہ باقاعدہ مقدمہ کل محراب پورتھانے میں درج کروایا جائے گا۔

صحافی کے قتل پر صحافی تنظیموں کی جانب سے سکھر، پڈعیدن اور ٹنڈو محمد خان میں احتجاجی مظاہرے کیے اور قاتلوں کی جلد گرفتاری کا مطالبہ کیا گیا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.