مشہور فٹبالر نیمار جونیئر کا کورونا فنڈ میں 10 لاکھ ڈالر کا عطیہ

فٹبال  کی دنیا کہ مشہور کھلاڑی  نیمار جونیئر نے کوروناوائرس کی وبا کے اثرات سے نمٹنے کے لئے  10 لاکھ ڈالر رقم کورونا فنڈ میں عطیہ  کردی۔

تفصیلات  کے مطابق برازیل  کے ٹی وی  چینل (ایس بی ٹی) نے ایک رپورٹ نشر کی جس میں بتایا گیا کہ  دنیا کے مشہور فٹبالر نیمار جونیئر نے اپنے آبائی علاقے میں کورونا وائرس سے  نمٹنے کے لیے 10 لاکھ ڈالر کی رقم عطیہ کی ہے۔

ایس بی ٹی کی جانب سے جاری کردہ رپورٹ میں بتایا گیا ہے کہ پیرس سینٹ جرمین فٹبال کلب کی جانب سے کھیلنے اور  دنیا کے تیسرے سب سے زیادہ معاوضہ لینے والے فٹبالر نے اس رقم کا کچھ حصہ اقوام متحدہ میں بچوں کے فنڈ کی تنظیم(یونیسف) کو عطیہ کیا۔

 اور باقی رقم برازیل کے ٹی وی پریزینٹر اور اپنے دوست لوسیانو ہک کی جانب سے شروع کیے گئے خیراتی فنڈ میں جمع کرادی۔

دوسر ی جانب نیمار کے پریس آفس نے اس بارے میں یہ کہہ کر تبصرہ کرنے سے  انکار کر دیا کہ’ ہم کبھی بھی عطیات یا رقم کے بارے میں بات نہیں کرتے۔‘

28 سالہ نیمار نے پیرس سینٹ جرمین فٹبال کلب کی ٹیم کے ساتھی کھلاڑی کِلیان ایمبپے کی پیروی کی جنھوں نے گذشتہ ماہ ایک فرانسیسی خیراتی ادارے کو کورونا وائرس کے اثرات سے لڑنے میں بڑی رقم عطیہ کی تھی

خیال رہے  کہ نیمار جونیئر دنیا کے  تیسرے  سب سے زیادہ  معاوضہ  لینے  والے  فٹبالر ہیں ۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

7