عرب میں سائنس اور ٹیکنالوجی کے میدان میں ایک بڑی پیشرفت

متحدہ عرب امارات نے ہفتے کو اپنے پہلے ایٹمی بجلی گھر کے آغاز کا اعلان کردیا ہے۔

عرب کے صحراؤں میں سائنس اور ٹیکنالوجی کی ایک نئی دینا آباد ہونے لگی ہے، متحدہ عرب امارات نے پہلے عرب خلائی مشن ‘ہوپ’ کو مریخ کے سفر پر روانہ کیا اور اب پہلے نیوکلئیر پاؤر پلانٹ کا آغاز کردیا ہے۔

جوہری میدان میں اس چھوٹے سے ملک کا یہ قدم عرب دنیا میں اپنی نوعیت کا یہ پہلا منصوبہ ہے۔

بین الاقوامی جوہری توانائی ایجنسی میں یو اے ای کے نمائندے حماد الکابی نے اپنی ایک ٹویٹ میں کہا ہے کہ یہ قوم کے لیے ایک تاریخی سنگ میل ہے اور اس وژن کے ساتھ ملک میں آلودگی سے پاک توانائی کی ایک نئی شکل فراہم ہوگی۔

متحدہ عرب امارات کے وزیر اعظم اور دبئی کے حکمران شیخ محمد بن راشد المکتوم نے بھی اس موقعے پر اپنی ایک ٹویٹ میں اس پیش رفت پر قوم کو مبارک باد پیش کی۔

رواں سال فروری میں متحدہ عرب امارات کے علاقے برکہ میں قائم کیے گئے ری ایکٹر میں فیول راڈز کو لوڈ کرنا شروع کیا گیا تھا، جس کے بعد عالمی ایجنسی نے پلانٹ کے چار ری ایکٹرز کو کام کرنے کی اجازت دی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

211