نعمان اعجاز کا نیا روپ سامنے آگیا، مداح حیران ہوگئے

پاکستان شوبز انڈسٹری کے نامور اداکار نعمان اعجاز نے منفر روپ اپنا لیا۔

اداکار نعمان اعجاز نے فوٹو اینڈ ویڈیو شیئرنگ ایپ انسٹاگرام پر اپنی کچھ نئی تصاویر پوسٹ کیں جس میں اداکار نے جوکر کا روپ اپنایا ہوا ہے۔

اداکار اپنے مداحوں کے چہرے پر مُسکراہٹ لانے کے لیے جوکر بن گئے۔

نعمان کو اپنے ایک پُرانے انٹرویو کی وجہ سے گزشتہ دنوں سوشل میڈیا پر تنقید کا سامنا کرنا پڑا تھا۔

انسٹاگرام پر پوسٹ کی جانے والی پہلی تصویر میں اداکار خوش نظر آرہے ہیں جبکہ اگلی تصویر میں نعمان اعجاز اُداس ہیں۔

نعمان اعجاز کی جانب سے پوسٹ کی جانے والی تصویر کی کیپشن میں اداکار نے لکھا کہ اگر آپ آج تک نہیں مُسکرائے تو یہ تصاویر دیکھیں اور خوش رہیں، آباد رہیں اور اپنے رب کا شُکر ادا کریں۔

دوسری جناب نعمان اعجاز کی اِس پوسٹ کو ان کے مداحوں کی جانب سے خوب پسند کیا جارہا ہے اور وہ کمنٹ سیکشن میں نعمان اعجاز کے لیے نیک خواہشات کا اظہار کرتے نظر آرہے ہیں۔

واضح رہے کہ گزشتہ دِنوں سوشل میڈیا پر سینئر اداکار نعمان اعجاز کا ایک برس پُرانا ویڈیو کِلپ وائرل ہوا تھا۔

اداکار نے دوران انٹرویو اس بات کا انکشاف کیا تھا کہ وہ کئی بار اپنی اہلیہ سے بےوفائی کرچُکے ہیں۔

واضح رہے کہ نعمان اعجاز کی یہ ویڈیو کِلپ دیکھنے کے بعد سوشل میڈیا صارفین نے اداکار کو شدید تنقید کا نشانہ بنایا تھا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

105