نائٹ کلب جانے پر فن لینڈ کی وزیراعظم نے معافی مانگ لی

image
فن لینڈ کی وزیراعظم سنا مارین نے کورونا وائرس سے متاثرہ شخص سے رابطے کے باوجود رات دیر گئے تک کلب میں رہنے پر معافی مانگ لی ہے۔

خبر رساں ادارے روئٹرز کے مطابق سنیچر کی شام کو وزیراعظم سنا مارین کے علم میں یہ بات آئی کہ ان کی کابینہ کے رکن کا کورونا ٹیسٹ مثبت آیا ہے اور وہ ان کے قریبی رابطے میں تھے اس کے باوجود وہ نائٹ کلب میں پارٹی کرنے گئیں۔

ہیلسنکی نائٹ کلب میں ان کی رات دیر گئے پارٹی کی تصاویر منظر عام پر آئی تھیں جن میں وہ ہجوم کے درمیان ہیں اور ماسک بھی نہیں لگا رکھا۔ وزیراعظم سنا مارین نے ویکسین کی دونوں ڈوز لگوا رکھی ہیں۔

سنا مارین نے اپنے عمل کو لاشعوری قرار دیتے ہوئے قوم سے معافی مانگی ہے تاہم ان کی نائٹ کلب کی تصاویر شیئر کرتے ہوئے ان کی پارٹی میں شرکت کو غیرذمہ دارانہ قرار دیا جا رہا ہے۔

سنا مارین نے ٹیلی وژن پر انٹرویو میں کہا کہ ’میں نے غلط کیا۔ مجھے صورتحال کو زیادہ محتاط طور پر دیکھنا چاہیے تھا۔‘

فن لینڈ کی 36 سالہ وزیراعظم جن کی دنیا میں نوجوان رہنما کے طور پر ستائش کی جاتی ہے کو اپنے اس رویے کی وجہ سے تنقید کا سامنا ہے۔

وزیراعظم سنا مارین نے ویکسین کی دونوں ڈوز لگوا رکھی ہیں۔ فوٹو: اے ایف پی

فن لینڈ کی سوشل ڈیموکریٹ پارٹی کی رہنما نے کسی ملکی قانون کی خلاف ورزی نہیں کی کیونکہ فن لینڈ میں ایسے شہریوں کو قرنطینہ کرنے لازمی نہیں جنہوں نے ویکسین لگوائی ہو تاہم صحت گائیڈ لائنز میں کہا گیا ہے کہ ایسے افراد جن کی کورونا سے متاثرہ شخص سے ملاقات ہوئی ہو ٹیسٹ کا نتیجہ آنے تک خود گھر تک محدود رکھیں۔

سنا مارین نے ٹیلی وژن پر انٹرویو میں کہا کہ ’میں نے غلط کیا۔ مجھے صورتحال کو زیادہ محتاط طور پر دیکھنا چاہیے تھا۔‘


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.