امریکی فوج کے سربراہ کورونا کا شکار  

image

امریکی فوج کے سربراہ جنرل مارک ملی کورونا کا شکار ہوگئے۔

غیر ملکی خبررساں ادارے کے مطابق امریکی فوج کے سربراہ جنرل مارک ملی کا کورونا ٹیسٹ مثبت آیا ہے، انہوں نے گزشتہ روز امریکی صدر جوبائیڈن سے ملاقات بھی کی تھی۔

امریکی فوج کے ترجمان نے کہا کہ جوائنٹ چیفس چیئرمین جنرل مارک ملی کو گزشتہ روز کورونا کی کچھ علامات ظاہر ہوئی تھی جس پر انہوں نے اپنا ٹیسٹ کروایا جس کی رپورٹ مثبت آئی ہے۔

انہوں نے کہا کہ جنرل مارک ملی نے گزشتہ روز جنرل ریٹائرڈ ریمنڈ اوڈیورنو کے فیونرل پر امریکی صدر جوبائیڈن سے بھی ملاقات کی تھی اور اب انہوں نے خود کو قرنطینہ کرلیا ہے جہاں سے وہ اپنی ذمہ داریاں سرانجام دے رہے ہیں۔

ترجمان کا کہنا تھا کہ امریکی فوج کے سربراہ کا چند روز قبل کیا گیا ٹیسٹ منفی آیا تھا تاہم گزشتہ روز ان کا ٹیسٹ مثبت آیا اور اس کے علاوہ دیگر تمام جوائنٹ چیفس آف اسٹاف کے کورونا ٹیسٹ منفی آئے ہیں۔

رپورٹ کے مطابق امریکی فوج کے ترجمان نے یہ نہیں بتایا کہ اور کس کس کے کورونا ٹیسٹ منفی آئے ہیں البتہ انہوں نے یہ ضرور بتایا کہ جنرل مارک ملی نے اپنی دونوں ویکسین لگوادی ہیں جب کہ انہیں بوسٹر ڈوز بھی لگ چکی ہے۔

Square Adsence 300X250


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.