پنجاب کے بعد اسلام آباد میں رات 9 بجے کاروبار بند کرنے کی پابندی ختم

image

پاکستان کے صوبہ پنجاب میں کاروباری اوقات کی پابندی ختم کرنے کے بعد وفاقی حکومت نے بھی اسلام آباد میں رات 9 بجے کاروبار بند کرنے کی پابندی ہٹا لی ہے۔

ڈپٹی کمشنر اسلام آباد عرفان نواز میمن نے بتایا کہ ’اسلام آباد میں آج سے کاروبار رات 9 بجے بند کرنے کی پابندی ختم کردی گئی ہے۔‘

ڈپٹی کمشنر اسلام آباد کے مطابق ’تمام کاروبار اور دکانوں سے اوقات بندش کی پابندی ہٹا دی گئی ہے۔‘

عرفان نواز میمن کا کہنا ہے کہ ’ریسٹورنٹس میں ڈائننگ کے اوقات پر پابندی بھی ختم کر دی گئی ہے۔‘

واضح رہے کہ توانائی کی بچت کے لیے صوبہ سندھ اور پنجاب کے بعد اسلام آباد میں بھی کاروباری مراکز، دفاتر، گودام اور بیکری کی دکانیں رات نو بجے بند کرنے کا اعلان کیا گیا تھا۔

یاد رہے کہ وزیر اعلٰی پنجاب پرویز الٰہی نے بدھ کے روز صوبے بھر میں کاروباری اوقات کی پابندی ختم کرنے کا اعلان کیا تھا۔

چوہدری پرویز الٰہی کا کہنا تھا کہ ’کاروباری مراکز، بازار اور دکانیں اتوار کے روز بھی کھلی رہیں گی۔‘

انہوں نے کہا کہ ’پنجاب بھر میں کاروباری مراکز، مارکیٹوں اور دکانوں کے لیے اتوار کی چھٹی بھی ختم کردی گئی ہے۔‘


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.