جیل انتظامیہ نے شہباز گل سے ملاقات کرنے نہیں دی، انہیں اسلام آباد لے جارہے ہیں، خدشہ ہے تشدد ہو گا، عمر ایوب

image

راولپنڈی: پاکستان تحریک انصاف کے مرکزی رہنما عمرایوب نے کہا ہے کہ شہباز گل سے ملاقات کرنے آئے تھے جیل انتظامیہ نے ملاقات نہیں کرنے دی۔

ہم نیوز کے مطابق اڈیالہ جیل کے باہر ذرائع ابلاغ سے غیر رسمی بات چیت کرتے ہوئے عمر ایوب نے کہا کہ رانا ثنا اللہ کے حکم پر شہباز گل کا چیک اپ ہو رہا ہے، ہمیں معلوم ہوا ہے کہ ان پر تشدد کیا گیا ہے۔

سابق وفاقی وزیر عمر ایوب نے کہا کہ پتا چلا ہے کہ شہباز گل کو اسلام آباد کی ٹیم لے کر جا رہی ہے، خدشہ ہے کہ راستے میں شہباز گل پر تشدد ہو گا۔

پی ٹی آئی رہنما عمر ایوب نے دعویٰ کیا کہ جیل انتظامیہ نے بتایا ہے کہ اسلام آباد کی ضلعی انتظامیہ یہاں آرہی ہے۔

ہم نیوز کے مطابق پی ٹی آئی رہنما علی نواز اعوان نے اس موقع پر بات چیت کرتے ہوئے کہا کہ ہمیں بتایا گیا ہے کہ شہباز گل کو ڈیتھ سیل میں رکھا گیا ہے، مریم نواز آج بھی اپنے والد کی عیادت کے لیے ضمانت پر ہیں۔

انہوں نے کہا کہ شہباز گل نے عدالت کو بتایا تھا کہ ان کو نا معلوم مقام پر منتقل کیا گیا ہے، نواز شریف لندن گئے ہوئے ہیں ایسے بیانیہ نہیں بنتے ہیں۔

شہباز گل کو پھر ٹارچر کرنا چاہتے ہیں،حکومتی وکیل دلائل دینے کو تیار نہیں، فواد چودھری

ہم نیوز کے مطابق پی ٹی آئی رہنما علی نواز اعوان نے خبردار کرتے ہوئے کہا کہ رانا ثنا اللہ جب جیل جائیں گے تو ان سے بھی ایسا ہی رویہ ہو گا۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.