آرمی چیف سے امریکی سینٹرل کمانڈ کے سربراہ کی وفد کے ہمراہ ملاقات

image

آرمی چیف جنرل قمر جاوید باجوہ سے امریکی سینیٹ کام کے کمانڈر کی وفد کے ہمراہ ملاقات ہوئی جس میں علاقائی سیکیورٹی صورتحال،استحکام اور دفاع سے متعلقہ امور پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق ملاقات میں سیکیورٹی سمیت عسکری سطح پر باہمی تعاون کے فروغ پر بھی گفتگو کی گئی۔

آئی ایس پی آر کے مطابق امریکی وفد نے انسداد دہشت گردی اور علاقائی امن و استحکام پر پاک فوج کےکردار کو سراہا۔ اس کے علاوہ دونوں ملکوں کی مسلح افواج کے درمیان تربیتی پروگرام کے امور پر بھی بات چیت کی گئی۔

آئی ایس پی آر کے مطابق امریکی عسکری وفد نے آرمی میوزیم کا دورہ بھی کیا اور فوجی عجائب گھر میں تاریخی ورثہ میں گہری دلچسپی کا اظہار کیا۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.