Jee Jee Ke Meri JaaN Mujhe Marna

Jee Jee Ke Meri JaaN Mujhe Marna Hai Abhi Aur
Poora Ye Safar Zeest Ka Karna Hai Abhi Aur

Jazbaat Ki Girayi Me Dooba Hi KahaN Hu
Ahsaas Ke Dariya Me Utarna Hai Abhi Aur

Badal Ko Abhi Cheerengi Suraj Ki ShuaaeN
Alaam Ki Garmi Me Nikharna Hai Abhi Aur

Manind E Qamar Subh Ko Mai Doob Gaya Hu
Khursheed Ki Manind Ubharna Hai Abhi Aur

Maqtal To Kai Baar Saja Mere Lahu Se
Haan Mujhko Tah E Tegh Sawarna Hai Abhi Aur

Wahshat Hai, BiyabaN Hai Kathin Raahguzar Hai
Aarif Ko Sar E Raah Guzarna Hai Abhi Aur