صدما سارون جئین ھنئین ۾

صدما سارون جئین ھنئین ۾
تون بہ آھین تئین ھنئین ۾

پیري تنھنجي دار ۾ لھندي
جوڀن جا ڪي ڏینھن ھنئین ۾

ڌاري دنیا ۾ ھڪ تون سائین
جان جیاپي جئین ھنئین ۾

پیاسي ڌرتي جئین ڏار ھڻي ٿي
ضربون ضربون ائین ھنئین ۾

من ۾ لھي ڪا دنیا ڊاٺئین
لٿي تہ الاھي ڪئین ھنئین ۾

ٽٽندي ٽٽندي ڪیڏو تہ رنا پئي
ننڍي لاء جا نینھن ھنئین ۾

دل جي ڌرتي اڃ مري ٿي
پیاسو پیاسو مینھن ھنئین ۾

تو جي وڃڻ لاء وار سنواریا
رھي تون پیارا پئین ھنئین ۾