آج آہستہ آہ کر لینا
Poet: Khalid Roomi By: Khalid Roomi, Rawalpindiآج آہستہ آہ کر لینا
تم بھی نیچی نگاہ کر لینا
اپنی دنیا تباہ کر لینا
بزم میں واہ واہ! کر لینا
جذبہ دل پہ آنچ جب آئے
عشق اپنا گواہ کر لینا
گھر میں اپنے بلا کے ان کو تم
رونق مہر و ماہ کر لینا
حسن والوں کی کچھ کمی تو نہیں
پھر کہیں رسم و راہ کر لینا
دوستی سے بروں کی، بچتے رہو
خود کو مت روسیاہ کر لینا
شہر میں جب ہو کوئی فتنہ بپا
حسن پر اشتباہ کر لینا
روز محشر کا خوف کیا رومی
ان کو تم سر براہ کر لینا
Rate it: 
Views: 527
30 Mar, 2010
More Sad Poetry
