آس کے دئیے جلاؤ جاناں
Poet: UA By: UA, Lahoreکانٹوں سے گھبرا کے جاناں
پسپا نہ ہو جاؤ جاناں
امیدوں کے جام اٹھاؤ
آس کے دِئے جلاؤ جاناں
خوابوں سے گھبرا کے جاناں
نیند سے بھاگے جاتے ہو
جاگت رہتے ہو راتوں میں
آنکھوں کو جگاتے ہو
بند آنکھوں میں خواب بساؤ
خوابوں سے نیندیں سجاؤ
دکھ سکھ جیون کے ساتھی ہیں
پھر ان سے گھبراتے کیوں ہو
دکھ آنے سے پہلے جاناں
اپنا دل دکھاتے کیوں ہو
خوشیاں کھو جانے کے ڈر سے
دل کا درد بڑھاتے کیوں ہو
غم کو بھول جاؤ جاناں
اور خوشیاں مناؤ جاناں
کانٹوں سے گھبرا کے جاناں
پسپا نہ ہو جاؤ جاناں
امیدوں کے جام اٹھاؤ
آس کے دِئے جلاؤ جاناں
Rate it: 
Views: 635
23 Oct, 2013
More General Poetry
