اب جو آٸی ھے تو ویسے نہیں جانے والی

اب جو آئی ہے تو ویسے نہیں جانے والی
تیز بارش میں ہوا شور مچانے والی

وہ جو روٹھا ہے تو افسوس مجھے ہے لیکن
بات کوئی بھی نہ تھی روٹھ کے جانے والی

ایک صورت نے پریشان کیٸے رکھا ہے
ایک صورت ہے مری نیند اڑانے والی

ہم مزاجی کا یہ عالم ہے کہ اک دوجے سے
بات کرتے ہی نہیں بات بڑھانے والی

کام دنیا کے مکمل کیئے جاتے ہیں کہ اب
ایک ہستی ہے ہمیں پاس بلانے والی

تادم حشر رہے گی وہ ہدایت کی کتاب
تادم حشر ہمیں راہ دکھانے والی

ساری دنیا سے الگ اس کی طبیعت انجم
کوئی عادت ہی نہیں اس میں زمانے والی