اب ہمیں بھی اپنا ہنر آزمانا چاہئیے

اب ہمیں بھی اپنا ہنر آزمانا چاہئیے
اور کچھ نیا نیا کر کے دِکھانا چاہئیے

کوچہء حبیب کو دور سے کر کے سلام
اب کوچہء رقیب میں آنا جانا چاہئیے

خواب و خیالات کی دنیا بہت سجا چکے
اب خوابوں کی تعبیروں کو پانا چاہئیے

پہلے اپنے دل کی بات اپنے آپ سے کہنا
اور پھر کہنے کے بعد سب کو بتانا چاہئیے

جانچ کر اپنا ہنر اپنے تئیں بار بار
بعد میں اپنا ہنر سب کو دکھانا چاہئیے

پہلے اپنے آپ میں تبدیلی لئیے جناب
اور پھر انقلاب کا بیڑہ اٹھانا چاہئیے

بات یہ عظمٰی بہت سچی کہدی ہے
پہلے خود کو پھر کسی کو آزمانا چاہئیے