اس نے میری یوں دیکھ بھال کی ہے
Poet: وشمہ خان وشمہ By: وشمہ خان وشمہ, ملایشیاساری طاقت وفا کے جال کی ہے
اس نے میری یوں دیکھ بھال کی ہے
بیٹھی رہتی ہے جو گلابوں پر
ایک تتلی ترے خیال کی ہے
لے کے آئی ہے سیپ یادوں کے
موج دریا بڑے کمال کی ہے
وہ خبر ہے ترے زمانے کی
یہ خبر تو مرے زوال کی ہے
جس میں شامل ہے تیری انگڑائی
وہ محبت تو پچھلے سال کی ہے
بے خیالی میں دھوکا کھا بیٹھی
ورنہ وشمہ بڑے کمال کی ہے
Rate it: 
Views: 445
11 Jun, 2017
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
