اوباڑو کی شہزادی

غم کی سوئی سے وہ اکثر
آنسوؤں کو پروتی لڑکی
جو خواب تھے ٹوٹے پیڑوں سے
آنکھوں میں بوتی لڑکی

اک خوف کا عالم چہرے پے
رھتا تھا شام سے
بے چینی کے بستر پر
وہ تکیہ بھگوتی لڑکی

رشتے ناطے پل بھر میں
پھر ھوئے یوں پرائے
دکھ کا آنچل سر پہ اوڑھے
ہر پل روتی لڑکی

سہمی سہمی تنہا تنہا
ویراں درخت کے نیچے
موت کی گود میں آہیں بھر کے
اب وہ سوتی لڑکی

انتہائی غمزدہ کر دینے والا یہ سچا واقعہ اباڑؤ گاؤں سندھ کا ھے ۔ جہاں سگے بھائیوں نے معصوم بیمار بہن شہزادی کو گھر سے نکال دیا ۔ اور وہ سسکتی ھوئی ایک اکیلے بینچ پر دنیا چھوڑ گئی ۔ دل خراش اس واقعے نے جذبات رکھنے والے ہر شخص کو رلا دیا ۔