ایک تھا سادھو ایک تھا جوگی

ایک کے تن پہ راکھ ملی تھی
ایک کے تن پہ خاک

دونوں ہی کےاندر باہر
لگی ہوئی تھی آگ

ایک کی کوکھ سورج اگلے
ایک کے لفظ چندیارے

ایک کی سانس سلگی سلگی
ایک کی سانس انگیارے

ایک کیی آنکھیں ٹھندا کر دیں
ایک کی آنکھیں دھارے

ایک کا من تھا صحرا جیسا
ایک کا من شمشان

ایک سفر میں اور ایک مسافر
دونوں کو تھا مان

ایک کے پاؤں جنگل ڈھونڈیں
ایک کے پاؤں صحرا

پر دونوں کے اوپر بھی تھا
اپنا اپنا پہرا

ایک کو سادھ اور ایک کو جوگ
ایک کو دکھ اور ایک کو روگ

ایک لکیر اور ایک لکیریں
کیا کرتے تدبیریں

دونوں ہی تھے سوگی
ایک تھا سادھو
ایک تھا جوگی