اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار

کیوں نہ تیری نذر کریں ہم بھی کچھ اس بار
اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار

فضا کو مہکایا ہے چمن کو سجایا ہے
رنگوں میں نہایا ہے گلشن پہ نکھار آیا ہے

رنگ برنگے پھولوں کی تو نے لگائی بہار
اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار

پرندوں اور چرندوں میں شوخی و مستی بھری
خوب کِھلی جب گلابوں کی پیلی گلابی لال پری

سبزے نے شاداب کئے چٹیل میدان در و دیوار
اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار

خاموش فضائیں مہکنے لگیں سونی گلیاں چہکنے لگیں
نازک نازک تتلیاں اٹھلانے لگیں بہکنے لگیں

پھولوں کے گلدستوں کا لگ گیا انبار
اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار

دل ڈولنے لگے ہیں لب کھولنے لگے ہیں
شاعروں کے تخیل سے بے ساختہ اشعار
اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار

شانِ کریمی کے جلوے ہیں یہ حسن و جمال
ایسے جھوم رہے ہیں مستی میں ڈال دھمال

ڈالی ڈالی پتا پتا ہو ہو کے سر شار
اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار

حسن و جمال والا ہے اونچی شان والا ہے
یکتا ربِ کائنات سب کا پالن ہار

جس نے اس زمیں کو بخشے موسم چار
گرمیاں ، سردی خزاں اور موسِ بہار

کیوں نہ دل حمد و ثنا میں ہو کے بے اختیار
کلمہ پڑھیں اس ذات کا جو ہے سب کا پروردگار

کیوں نہ تیری نذر کریں ہم بھی کچھ اس بار
اے موسمِ بہار۔۔۔۔۔۔۔۔۔۔۔۔۔۔۔اے موسمِ بہار