باقی ہے

ابھی خوابیدہ آنکھوں میں جاگتا خواب باقی ہے
ابھی تک رسم الفت کاسب ادب آداب باقی ہے

ابھی کہنہ مراسم کی بہت سی یادیں قائم ہیں
ابھی نمناک ورقوں میں خستہ گلاب باقی ہے

بہار شب ہوئی رخصت خزاں کا دن طلوع ہوا
مگر محفل میں ابھی تک چنگ و رباب باقی ہے

ابھی سے مہرباں ساقی میں پیالہ کیسے توڑ دوں
ابھی تیری صراحی میں میری شراب باقی ہے

ہم نے تمام قصہ بے باک کر دیا ہے
لیکن تمہاری ضد ابھی حساب باقی ہے

کھلیں گے آہستہ آہستہ پردہ ہائے بام و در
ابھی تھوڑا صبر کر لو ابھی حجاب باقی ہے

نا کردہ گناہوں کی سزا پا چکے بہت
اب کردہ خطاؤں کا ثواب باقی ہے

اپنی کہانی ہم تیری زباں سے سن چکے
ابھی ان سنی میری ان کہی کتاب باقی ہے

عظمٰی میرے سوال بھی میری طرح عجیب ہیں
جواب مل گیا پھر بھی ابھی جواب باقی ہے