بختہ نہ تھا مکان

پختہ نہ تھا مکان آڑا لے گئی ہوا
ہے چھت نہ سائبان اڑا لے گئی ہوا

اولے پڑے تو تیز تھا طوفان دوستو
اب لٹ گیا کسان اڑا لے گئی ہوا

محنت بہت کی ہے بچا کچھ نہیں ہے اب
میرا تو باغبان اڑا لے گئی ہوا

حالات بدل گئے تھے خسارہ ہی ہو گیا
اونچی اڑی اڑان اڑا لے گئی ہوا

کردار وہ نہیں رہے ہو ختم سب گئے
پھولوں کی داستان اڑا لے گئی ہوا

کیوں اعتبار کیا ہے یہی سوچتا ہوں میں
رکھا نہیں ہے دھیان اڑا گئی ہوا

شہزاد میرے اپنوں کو مٹی ہی کھا گئی
سب میرے مہربان اڑا لے گئی ہوا