تجھے دیکھنے کے بعد

ہم آکے تیرے شہر سے واپس نہ جائیں گے
یہ فیصلہ کیا ہے تجھے دیکھنے کے بعد

سجدہ کروں کہ نقشے قدم چومتی رہوں
گھر کعبہ بن گیا ہے تجھے دیکھنے کے بعد

کہتے تھے لوگ تجھ کو مسیحا مگر یہاں
اک شخص مر گیا ہے تجھے دیکھنے کے بعد

سجدہ تجھے کروں گی تو کافر کہیں گے لوگ
یہ کون سوچتا ہے تجھے دیکھنے کے بعد

کھوئی ہوئی سی رہتی ہے اب ہر وقت حناء
یہ حال ہو گیا ہے تجھے دیکھنے کے بعد


میں تجھے بھول کر جاؤں تو کہاں تک جاؤں
تجھ سے وابستہ تو اک عمر کی رسوائی ہے