تحفہ
Poet: ارباب بزمی By: ارباب بزمی, More Eminabad Gujranwala
کیک پر سجی
موم بتیوں کی روشنی میں
تنہا بیٹھا ،تیرا منتظر تھا
کہ تُو آ گئی
اور چپکے سے
میری آنکھوں پر ہاتھ رکھ کر
گلاب کی پنکھڑیوں ایسے لب
میرے کان کے پا س لاکر
کھلکھلاتی ہوئی
مدھر آواز میں ہولے سے بولی
ہیپی برتھ ڈے ٹُو یُو
میں نے پلکیں اُٹھا کر
تجھے دیکھنا چاہا
مگر، تم تو
موتیوں جیسا قیمتی تحفہ
نین ساگر کے حوالے کر کے
جا بھی چکی ہو
Rate it: 
Views: 560
30 May, 2011
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
