تعلق

تعلق ٹوٹ جائے گا میرا سارے زمانے سے
میرے اپنے خفا ہونگے تمہیں اپنا بنانے سے

تمہارے ساتھ رہنے سے مجھے تسکین ملتی ہے
بہت تکلیف ہوتی ہے تمہارے دور جانے سے

میرے گھر کو جلا دینا مگر یہ ذہن میں رکھنا
اجالا مل نہیں سکتا کسی کا گھر جلانے سے

ہماری جان جائے گی تو پھر جان جاؤ گی
کہ حاصل کچھ نہیں ہوتا کسی کو آزمانے سے

تمہارا نام میں کیسے مٹادوں اپنی کہانی سے
بڑا گہرا تعلق ہے تیرا میرے فسانے سے