تم نے اَسے کھو دیا ہے

تم کسے دھونڈتے ہوتم نے اسے کھو دیا ہے
تم جسے ڈھونڈتے ہو تم نے اسے کھو دیا ہے

وہ جو تمہاری جستجو میں اپنا آپ گنوا بیٹھا ہے
وہ جو تمہاری آرزو میں خود کو ہی مٹا بیٹھا ہے

تم سے بہت دور ہے وہ بہت رنجور ہے
روح بے سرور ہے جسم چَور چَور ہے

جو تمہاری یاد سے کسی لمحے غافل نہ تھا
وہ جسے تم نے کہا وہ تمہارے قابل نہ تھا

اس کا پتہ پوچھتے ہو تم نے جسے کھو دیا ہے
تم اسے کھوجتے ہو تم نے جسے کھو دیا ہے

تم کسے ڈھونڈتے ہو تم نے اسے کھو دیا ہے
تم جسے ڈھونڈتے ہو تم نے جسے کھو دیا ہے