تم نے جنکا اعتبار نہیں کیا

میں جھوٹ نہیں کہتی تھی
وہ سب باتیں۔۔۔۔۔۔۔۔۔۔۔۔۔۔۔۔۔۔۔
تم نے جنکا اعتبار نہیں کیا
میں کہا تھا تمہارا لگایا
ہر زخم میرے دل میں
شگاف پیدا کر رہا ہے
میر دل ٹکڑے ٹکڑے ہو رہا ہے
لمحہ لمحہ بکھر رہا ہے
اب اور نئے ستم نہ ڈھانا
کوئی اور نیا زخم نہ لگانا
کہ اب میرے دل کا کوئی گوشہ
زخم سہنے کے قابل نہیں رہا ہے
تم مجھے آزماتے رہے ۔۔۔آزماتے رہے
میرا دل تمہاری ہر آزمائش ہر فرمائش
پوری کرتا رہا۔۔۔۔۔پوری کرتا رہا
لیکن تمہیں کیا پتا۔۔۔۔۔۔
کہ اس آزمائش کو پورا کرتے کرتے
میرا دل کیا سے کیا ہو گیا
تم نے مجھے آزما لیا
لیکن تمہری آزمائشوں نے
میرا دل ہی جیون کھا لیا
میں تڑپتی رہی
سسکتی رہی
ایک نظر التفات کے لئے
تیری پیار بھری نظر
تیرے سچے جذبات کے لئے
لیکن تم نے پرواہ نہ کی
میری ہر ایک بات کو
ہنسی میں اڑا دیا
میں نے کہا تھا
مجھے اس قدر نہ آزمانا
انتظار کی سولی پہ
اس درجہ نہ چڑھانا
کہ میری آنکھوں کی پتلیاں
امڈتے اشکوں کا
بوجھ نہ سہار سکیں
تمہیں پکارنا چاہیں
لیکن نہ پکار سکیں
تم نے ستم کی حد کر دی
میری آنکھوں نے ضبط کھو دیا
وہ سارے اشک جو میں نے
کسی خزینے کی طرح
سب سے چھپا کے رکھے تھے
آنکھوں کی پتلیوں میں دبا کے رکھے تھے
لٹا بیٹھی ہیں ۔۔۔ میری آنکھیں
اشکوں کے سارے موتی
گنوا بیٹھی ہیں
میری آنکھوں میں اشک باقی نہ رہے
نہ دل میں کوئی ارماں جواں ہے
میرا دل فنا ہو چکا ہے
میرا وجود بنجر زمین کا وہ ٹکڑا ہے
جسے نہ اب بادل سے کوئی غرض
نہ بارش کا کوئی ارماں ہے
جب میں نے چاہا تم نے پرواہ نہ کی
نہ میری کوئی بات سنی
نہ پوری کوئی التجا کی
میرا دل دکھ سے بھر گیا ہے
ستم اٹھانے کا عادی ہو گیا ہے
کوئی خوشی میرے دکھ کا
مداوا نہ کر سکے گی
تیری محبت کے لمس کا اثر
اب میرے لئے بے اثر ہو چکا ہے
اب میرا دل فنا ہو چکا
اب تیری چاہت سے بے پروا ہو چکا ہے
اب تو تم نے دیکھ لیا ناں۔۔۔؟
میں جھوٹ نہیں کہتی تھی
وہ سب باتیں۔۔۔۔۔۔۔۔۔۔۔۔۔۔۔۔۔۔۔۔۔
تم نے جنکا اعتبار نہیں کیا