تم یہ کہتے رہتے ہو

 تم یہ کہتے رہتے ہو
کہ ان سارے لوگوں کو
تمہارا اور میرا ساتھ
اچھا نہیں لگتا ہے
تو کیا تم ایسا چاہتے ہو
کہ جن لوگوں کو
تمہارا میرا ساتھ
اچھا نہیں لگتا ہے
ان لوگوں کی خاطر
تمہارا ساتھ چھوڑ دوں۔۔؟
تو پھر سنو کہ میں
صرف تمہارے کہنے پر
صرف تمہارے چاہنے پر
ہمیشہ ہمیشہ کے لیے
تمہارا ساتھ چھوڑ رہی ہوں
لیکن صرف تمہارا ہی نہیں
ان لوگوں کا ساتھ بھی
جن کا ساتھ نبھا رہی تھی
میں اب تک
"صرف تمہارے لئے"