تو میرے دل کا سکوں زندگ کا حاصل ہے (گیت)

رہ وفا میں مری چاہتوں کی منزل ہے
تو میرے دل کا سکوں، زندگی کا حاصل ہے

ترے بدن میں گلابوں سی بھینی خوشبو ہے
تری اداؤں میں اک بانکپن ہے،جادو ہے
نہیں ہے کوئی بھی تجھ سا حسیں یہ جان لیا
نظر میں تیرے ہی جلوے ہیں ، دل میں بس تو ہے

ترے خیال سے آباد دل کی محفل ہے
تو میرے دل کا سکوں، زندگی کا حاصل ہے

تجھے میں چاہوں گا شام و سحر مری جاناں
ترے لیے ہی تو ہے میری شاعری جاناں
ہے وعدہ اور نہ دل میں کوئی سمائے گا
یہ پہلا پیار ہے اور یہ ہی آخری جاناں

ترا ہی نام مری دھڑکنوں میں شامل ہے
تو میرے دل کا سکوں، زندگی کا حاصل ہے

رہ وفا میں مری چاہتوں کی منزل ہے
تو میرے دل کا سکوں، زندگی کا حاصل ہے