تیری تصویر کو دیکھا تو یہ احساس ہوا
Poet: UA By: UA, Lahoreتیری تصویر کو دیکھا تو یہ احساس ہوا
جیسے تصویر کو پہلے بھی کہیں دیکھا ہے
خواب میں تجھ سے ملاقات ہوئی تھی اک دن
دیکھ کے خواب یہ احساس ہوا تھا مجھ کو
ایسی تعبیر کو پہلے بھی کہیں دیکھا ہے
کون جانے یہ تخیل ہے یا حقیقت ہے
کون جانے یہ عنایت ہے یا ضرورت ہے
کون جانے یہ آرزو ہے یا حسرت ہے کوئی
کون جانے یہ عقیدت ہے یا محبت ہے
کون جانے یہ عداوت ہے یا کہ چاہت ہے
کوئی تعلق کوئی رشتہ کوئی تو واسطہ ہے
خواب کا زندہ حقیقت سے کوئی رابطہ ہے
جسے پہلے نہیں دیکھا اسے جب دیکھا ہے
تو یہ احساس ہو پہلے کہیں دیکھا ہے
مل چکے ہیں کبھی پہلے بھی ہم کہیں نہ کہیں
آج دیکھا تمہیں تو دل کو یہ احساس ہوا
جو دل کے پاس تھا وہ ہی نظر کو راس ہوا
تیری تصویر کو دیکھا تو یہ احساس ہوا
جیسے تصویر کو پہلے بھی کہیں دیکھا ہے
خواب میں تجھ سے ملاقات ہوئی تھی اک دن
دیکھ کے خواب یہ احساس ہوا تھا مجھ کو
ایسی تعبیر کو پہلے بھی کہیں دیکھا ہے
