جب تیری آگہی نہیں ہوتی

جب تیری آگہی ۔۔۔۔۔۔نہیں ہوتی
پھر کوئی زندگی۔۔۔۔۔۔۔ نہیں ہوتی

زندگی بھر بھٹکتے رہتے۔۔۔۔۔۔۔ہیں
جب تیری روشنی۔۔۔۔۔۔نہیں ہوتی

عقل پر تو ہَوس کے پردے۔۔۔۔ہیں
اِس لئے آگہی۔۔۔۔۔۔۔۔نہیں ہوتی

اپنی بستی کو کیا ہوا۔۔۔۔۔۔۔۔۔یارو
کسی لب پر ہنسی۔۔۔۔۔۔۔ نہیں ہوتی

دیکھ کر اپنے ۔۔۔۔۔۔۔۔مہمانوں کو
کسی گھر میں خوشی۔۔۔۔۔ نہیں ہوتی

تیری دنیا میں اب کہیں۔۔۔۔ یارب
حاصل آسودگی۔۔۔۔۔۔ نہیں ہوتی

دنیا داری سے بڑھ کے۔۔۔ اے لوگو
کوئی خصلت بُری ۔۔۔۔۔نہیں ہوتی

دوست احباب ساتھ۔۔۔ چھوڑ گئے
اب یہاں مے کشی۔۔۔۔ نہیں ہوتی

محبّت دنیا سے کرنے۔۔۔۔ والوں کی
نفرتوں میں کمی۔۔۔۔۔۔ نہیں ہوتی

دشمنوں سے ہیں پیار کی ۔۔۔۔پینگیں
اپنوں سے دوستی ۔۔۔۔۔نہیں ہوتی

بھوک اور ننگ ہے ۔۔مگر پھر بھی
نفرتوں میں کمی ۔۔۔۔۔۔نہیں ہوتی

پہلے خوش ہو کے۔۔۔ لوگ ملتے تھے
ملنے پہ اب خوشی۔۔۔۔۔ نہیں ہوتی

اب کہاں اُس کاناز ِ ۔۔۔۔۔۔محبوبی
اب کیوں دلبری ۔۔۔۔۔نہیں ہوتی

جس کو دیکھو وہی پریشاں۔۔۔۔ہے
اب کہاں مفلسی۔۔۔۔۔ نہیں ہوتی

نشہ کب اُترا ہے۔۔۔۔۔۔۔ محبّت کا
کب یہاں شاعری۔۔۔۔ نہیں ہوتی

شاعری وارداتِ۔۔۔۔۔۔ قلبی ہے
دل بِنا شاعری۔۔۔۔۔۔ نہیں ہوتی

جادو جیسا اثر تو۔۔۔۔۔۔۔ رکھتی ہے
پر یہ جادوگری۔۔۔۔۔۔ نہیں ہوتی

بیٹھ جاتا ہوں دھوپ میں ۔۔۔اکثر
چھاؤں اب یاں گھنی۔۔ نہیں ہوتی

جستجو کے بغیر اے۔۔۔۔۔۔۔یارو
کامیابی کبھی۔۔۔۔۔۔۔ نہیں ہوتی

نفرتوں کی اندھیری۔۔۔ راتوں میں
پیار کی چاندنی ۔۔۔۔۔۔نہیں ہوتی

شیشہءِ دل اُجالتے۔۔۔۔۔۔ رہئے
جب تلک عاجزی۔۔۔ نہیں۔ ہوتی

وہ جو رس گھولتے تھے اب۔ اُن کے
لہجے میں چاشنی۔۔۔۔۔۔ نہیں ہوتی

ساری دنیا کو۔۔۔۔۔۔ کون سمجھائے
عاشقی سرسری۔۔۔۔۔۔ نہیں ہوتی

پہلا اور آخری ۔۔۔۔۔۔سبق یہ ہے
عشق سے واپسی۔۔۔۔۔۔ نہیں ہوتی

بھوک اور ننگ جہاں۔۔۔۔ مقدر ہو
پھر وہاں آشتی۔۔۔۔۔۔۔ نہیں ہوتی

جس جگہ ظلم۔۔۔۔۔۔ راج کرتا ہو
وہاں رحمت کبھی۔۔۔۔۔ نہیں ہوتی

مدّتیں ہو گئیں ہیں۔۔۔۔۔ توبہ کئے
نوازشوں میں کمی ۔۔۔۔۔نہیں ہوتی

چاند شب بھر بھٹکتا ۔۔۔۔۔رہتا ہے
جب تیری چاندنی۔۔۔۔ نہیں ہوتی

آگ بڑھکائے نہ ۔۔۔۔جو سینے میں
پھر وہ دل کی لگی۔۔۔۔۔۔ نہیں ہوتی

خلوص اِک لازمی ہے۔۔۔ شرط وسیم
ورنہ پھر آگہی۔۔۔۔۔۔۔ نہیں ہوتی