خواب در خواب کا جہاں ہو تم

Poetجنید عطاری Submitted byجنید عطاری
Text size

خواب در خواب کا جہاں ہو تم
کون جانے ہے کب کہاں ہو تم

میں ہوں آگ ایک آگ پل کی آگ
میری لُو شعلہ اور دھواں ہو تُم

میں کہ ویران دشت کا خوگر
کیسے بھٹکوں کہ پاسباں ہو تم

میں زمیں ہوں تمہارے قدموں کی
اور مرے سر کا آسماں ہو تُم

کون جانے کہ اب وہاں ہوں میں
کون جانے کہ اب یہاں ہو تُم

Related tags on Parveen Shakir poetry

Copied