خواب میں کوئی

آتا ہے بار بار میرے خواب میں کوئی
رہتا ہے میرے ساتھ میرے خواب میں کوئی

پھولوں کی وادیوں میں دلکش آبادیوں میں
صحرا کی وسعتوں میں تاروں کی رفعتوں میں

سَنسان ویرانوں میں گمنام جہانوں میں
گہرے سمندروں میں کلیساؤں مندروں میں

مسجد کے ایوانوں میں بزمِ قلندروں میں
محلوں میں سراؤں میں قصبوں کبھی گاؤں میں

شہروں کی بھیڑبھاڑ میں سنوار میں بِگاڑ میں
تھامے ہوئے ہاتھوں میں ہاتھ چلتا رہے ساتھ ساتھ

آتا ہے بار بار میرے خواب میں کوئی
رہتا ہے میرے ساتھ میرے خواب میں کوئی