زخم کو بھی گُلاب دیکھا ہے

زخم کو بھی گُلاب۔۔۔۔۔۔۔۔ دیکھا ہے
جب بھی اس نے جناب۔۔۔ دیکھا ہے

وہ جو خوابوں کو دے گیا ۔۔۔۔۔..خوشبو
ہم نے ایساگلاب ۔۔۔۔۔۔۔دیکھا ہے

وہ جو پورا بھی ہو سکے۔۔۔۔۔۔ اے دل
کوئی ایسا بھی خواب۔۔۔۔۔۔ دیکھا ہے

آج پھر ہم نے اُن کی ۔۔۔۔محفل میں
اپنے کو باریاب دیکھا۔۔۔۔.۔۔۔ہے

پہلے دیکھا تھا سرخرو ۔۔۔۔۔۔..دل کو
اب جگر کامیاب ۔۔۔۔.۔۔دیکھا ہے

یہ محبّت تو ایک ۔۔۔.۔۔۔صحرا ہے
جب بھی دیکھا سراب ۔۔.۔دیکھا ہے

آج پھر ہم نے اُن کی۔.۔ نظروں سے
دل کو ہوتے کباب۔۔۔۔.. دیکھا ہے

کس نے لکھا ہے خون ۔۔۔سے اپنے
عشق کا تازہ باب۔۔.۔۔۔۔ دیکھا ہے

ڈھونڈتے آ گیا ہوں۔۔.۔۔ جنت سے
حسن وہ لاجواب۔۔۔۔۔..۔ دیکھا ہے

آج ہم نے بھی دل کے۔۔۔ دریا میں
ڈوبتے ماہتاب۔۔۔۔۔۔۔ دیکھا ہے

پوچھتی ہے تری پھٹی ۔۔۔..۔تصویر
کیوں مجھے بے حساب ۔..۔دیکھا ہے

کہہ رہی ہیں مری کھلی۔..۔ آنکھیں
اُس کو کیوں بے نقاب۔۔ .دیکھا ہے

نیند آتی نہیں کسی۔۔۔..۔۔ صورت
ایسا کیا تم نے خواب۔۔۔ .دیکھا ہے

شیخ و واعظ کو اُن کی۔۔.۔۔ محفل میں
ہم نے ہوتے خراب۔۔۔ دیکھا ہے

یہ بھی کم تو نہ تھا قیامت سے
ہجر میں جوعذاب۔۔۔۔ دیکھا ہے

دیکھو مجرم ہیں محتسب۔۔۔۔ اپنے
یہ عجب احتساب۔۔۔۔۔ دیکھا ہے

حکمراں ہیں عوام کے۔۔۔۔ دُشمن
ظلم کا تازہ باب۔۔۔۔۔۔ دیکھا ہے

بلی سے چھیچھڑوں کی۔۔۔۔۔ رکھوالی
اپنے ہاں ہی جناب۔۔۔۔ دیکھا ہے

سا قی پیتے ہیں مے کدہ۔۔۔ میں وسیم
یہ نیا انقلاب۔۔۔۔۔۔۔۔ دیکھا ہے