شھر ِ کراچی میں

آج پھر سے قیامت سی برپا ہے شھر ِ کراچی میں
سر ِ بازار خونِ ناحق بہہ رہا ہے شھر ِ کراچی میں

نہ جانے کون ہیں یہ ظالم اور کہاں سے آتے ہیں
الہی تیرے بندوں کو یہ کیا ہوا ہے شھر ِ کراچی میں

ہر موڑ پہ بکھرے پڑے ہیں بے گور و کفن لاشے
ہر گھر سے دھواں اٹھ رہا ہے شھر ِ کراچی میں

یہ سوچ کے گھر سے کھیلنے نکلا تھا ننھا سا بچہ
شائد کہ یہ پٹاخوں کی صدا ہے شھر ِ کراچی میں

فکرِ فَکر میں جو نکلے تھے، لوٹے نہیں گھر کو
اب گھر گھر کہاں ماتم کدہ ہے شھر ِ کراچی میں

یہ بچوں کو نجانے ہے کس نے طمنچے تھمائے
کتابوں کی جگہ بارود بھرا ہے شھر ِ کراچی میں

اس شھر کے قاضی سے کوئی جا کہ اتنا تو پوچھے
حوسِ کُرسی و سیاست کا نشہ ہے شھر ِ کراچی میں

کچھ لوگوں نے تو ادا کیا حرفِ مذمت سے حق اپنا
وزیروں کا بھی تانتا بندہ رہا ہے شھر ِ کراچی میں

رضا کوئی تو اُٹھے علمِ نوائے حق لیکر یہاں بھی
سن کر تیری باتیں دل تڑپ گیا ہے شھر ِ کراچی میں