صنم ھو یا انساں ھو، نہیں ھے کُچھ فرق ایسا

صنم ھو یا انساں ھو، نہیں ھے کُچھ فرق ایسا
دونوں ھی کی قیمت ھے، مغرب کے جہانوں میں

تصّرف تُو مت جتلا، اے مشرق کے آدم ! یاں
مَردانی فَزُوں تر ھے، یہاں کے مَہ جمالوں میں

بچپن سے بدلتی ھے، ادا شاھیں بچوں کی
کہ الماس یاں عنقا ھیں، پچھمی آشیانوں میں

شاھینِ مسلماں کی نظر یاں خیرہ ھوتی ھے
بے بال و پر اُڑے گر وہ، یورپ کے، آسمانوں میں

اُدھر براھیمِ مشرق کے ھاتھوں میں تیشہ تھا
اِدھر اصنامِ آزر کی، شورش ھے، بُت خانوں میں

یہ تہذیبی نخچیری، گو رکھتی ھے اثر اپنا
فزوں تر ھے، اثر لیکن، مغرب کی اذانوں میں

بسکہ ھے مشکل، بہلانا، دِلِ ناداں کو
میں اکثر چھوڑ دیتا ھوں، اِسکو، بیابانوں میں

فقط اپنی تسّلی اور عرفانِ حق کو میں
نکلتا ھوں سدّرہ کو، اُڑوں جب، آسمانوں میں