طبیعت گری گری ہے ہم سوچتے رہے

طبیعت گری گری ہے ہم سوچتے رہے
کس کی نظر لگی ہے ہم سوچتے رہے

ہم اپنی دھن میں اپنے رستے پہ گامزن تھے
ٹھوکر سی یوں لگی کہ ہم سو چتے رہے

حیران رہ گئے کہ یہ ماجرا کیا ہو گیا
کیوں زندگی رکی ہے ہم سوچتے رہے

اپنی حیات چلتی پھرتی سی روشنی تھی
یوں تیرگی بڑھی کہ ہم سوچتے رہے

معصوم سی بھولی سی چھوٹی سی شرارت
کیوں روگ بن گئی ہے ہم سوچتے رہے

وہ جو کبھی کسی بھی منزل پہ نہ ٹھہری تھی
راہوں میں آ پڑی ہے ہم سوچتے رہے

عظمٰی جو گامزن رہی پیہم رواں دواں
وہ کیسے رک گئی ہے ہم سوچتے رہے