قامت کے انگ انگ میں سر و سمن کی آنچ
Poet: Syed Iftikhar Ahmed Rashk By: Syed Iftikhar Ahmed Rashk, Karachiقامت کے انگ انگ میں سر و سمن کی آنچ
کمتر کہاں ہے آتشِ گُل سے بدن کی آنچ
ذوقِ جفا و خوُٸے ستم دل شکن کی آنچ
سرگرمِ دل ہے پھر بھی جاںؔ شوقِ مگن کی آنچ
ارقامِ حسن سے کیا کاغذ لباسِ حسن
الفاظ سے ہویدا ہوٸی پیرہن کی آنچ
ہیں پُرخمار ہونٹ گلابی نشہ فزا
دیکھے سے اِک نظر لگی لعلِ یمن کی آنچ
انفاس کی حرارتِ آتش فزاٸے عشق
شمس و قمر کی ہیچ شعاعِ کرن کی آنچ
ہو موسمِ بہار کہ داٸم خزاں کی رُت
خنکی سے ارضِ غیر کی بہتر وطن کی آنچ
جانے ہے لطف رشکؔ نشیب و فراز کا
کوہِ دیارِ غیر سے بہتر دمن کی آنچ
Rate it: 
Views: 718
20 Sep, 2019
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
