ماں

زندگی جو محبت کا سماں دیتی ہے
اتنا پیار تو صرف ماں دیتی ہے

رکھتی ہے ہمارا خیال راحت و ارام
گزار دیتی ہے زندگی اپنی مگر بے نام

جو ہیں بیمار ہم تو تڑپتی وہ ہے
کبھی دائیں کبھی بائیں کروٹ بدلتی وہ ہے

اپنی سب خواہشوں کو بھلا دیتی ہے
ہماری خاطر جہاں بھی اپنی لٹا دیتی ہے

رکھے قدم بقدم سلامت تجھے خدا
ہر وقت لبوں پر اس کے رہتی ہے یہی دعا

ماں کی گود میں ملی راحت مجھ کو
ماں کے قدموں میں ملی جنت مجھ کو

ماں کا اپنی جو دل دکھاتا ہے
نہیں چین کبھی وہ زندگی میں پاتا ہے

کرتا ہے جو خلوص دل سے ماں کی زیارت
پا لیتا ہے وہ حج و عمرہ کی سعادت

اے خدا تو یوں ہی تا قیامت رکھنا
ماں میری کو سدا سلامت رکھنا